U National Vice-President ka BJP, u M Chuba Ao uwa pait leh ya ka Party hapoh Meghalaya, ynne hawa wan cha ka yalang pynsmai ya ka sorkar wa thymme ka jylla, da ong u wa ka Party da dep leh ko yei Homework ko tangwa kammon u leh lada ki paidbah da jied biang ya ki jooh ki arngut ki kyrtong ka Party.
Hanla kattæ leh, da ong u wa sñiawkmen ki neibhah da kreh chitom bha ki ha kani ka kynti wei u kreh chitom leh neibynta kani ka sorkar kawa katni.
Hawa kylli yei kular ka BJP wow phah takit ya ki kaam baam tooh hachwa ka Election, da jubab u deiwa ong kattæ u yaleh wow chna ya ka sorkar wei wow kreh deiwa ryntih wei ym yoo phi ya kitæ ki kaam baam tooh.
Hawa kylli chooh chooh yeiwa da ong heipor Election wa ka Meghalaya toh kawa joor dooh ki kaam baam tooh hapoh ka ri, da yasaaid u deiwa ong wa kitu toh heipor Election wei kiwi ki Party leh da ong ki wa ka BJP toh ka Hindu Party wei toh iwa jooh jia hi i pynbaad kam ini.
Da ong u leh wa hap wow burom yeiwa da rai ki paidbah wei wow kreh katkam wa man itæ i rai.
