I jhep wa da neh khlem khat iwa da lang man-i-por khlem da kit da rong tista na ini i thaw wa em ha laad wow lai cha Thomas Jones Synod College iwa ha chrooh ka Jowai Post Office iwa da jrong bha i lang ini i jhep, da em wa thang ki ynne i miet heipor kamwa 9 duna.
I jhep toh iwa da kyrooh da iwa rap joor wei da booh i leh hei maa ya ki yung wa em chajan ini i thaw hadooh wa da hap wow wan tympleh da ki pulit ka Fire & Emergency Service ka Jowai.
Hadien wa da dam wow noh jhep ki bru hajan ka yung krehkaam u DC, Jowai kani won ka laad wow lai cha Thomas Jones Synod College toh kawa da dap jhep bait hanla da em i pyrchang wow kit yeini i jhep.
Ha ka chnong Jowai hi waroh kawi ym em hi leh wan kit jhep kamwa toh u leh heiwa kiwa boon hi ki yung da thooh laad, thooh buit ki dei yong ki wow lai noh jhep.
Kam wow pynkynmoo wa ka High Court ka Meghalaya da dep ko wow pynmih hukum wow kit yei jhep man ka 3 sngi wei neiliang ka Jowai Municipal Board won da pyntip ko wa chwa u kut uni u snem daw pyndep noh u chna da ka Solid Waste Processing & Disposal Plant ha Khliehriat kawa daw man neibynta ka chnong Jowai wa Khliehriat kawa daw chna hei dor wa T. 13.37 klur kawa daw krehkaam hawa kut u Khonchonglad (Nov) 2023.
Puræ leh: Phah ka High Court yaka JMB wow lai kit jhep man ka 3 sngi
