Ka Bengalauru-Mysuru Expressway kawa da wan wai da u Prime Minister ka ri, u Narendra Modi ynne ka sngi ha jylla Karnataka kawa da ah yei lai luti na 3 kynta ka 75 minit na Bengalauru cha Mysuru, da pynbna wym chah ya ki kari ar chaka wa ki kari le chaka kamjooh ki Tractor-Trailer wow lai ki na kani ka sarok wa thymme.
Kani ka sarok wa da chna hei dor wa T. 8480 klur toh kawa jrong 118 Km wei kawa em 6-Lane wa kynthup ya 2-Lane ki wow man kam ki Service Road ha waroh arliang.
Ini mut i wa ki Auto Rickshaw leh da khang wow pynemkaam ki ya kani ka Expressway wei u chah u pynemkaam ki du ya ki Service Lane wa da chna ha rood uni u sarok.
Da yooluti wa uni u sarok daw pynsuk u ya ka khayi pateiñ neibhah nachwa da man u uwa khynnia wei uwa khian bha ya ki bru wa pynemkaam wow lai hapyrdi kini ki ar tylli ki sor wei da yooluti leh wa daw pynku u ya ki kaam uiñke suwari hapoh kani ka jylla.
