Kat dang mih ki sngi, ki dukan dukdoh wa har rukom da wan wai ki ha Jowai wei ha ka 11 tarik uni u bnai u MLA ka Jowai, u Wailadmiki Shylla da wan wai u ya ka Ilahui Korean Disigner Brand wa nyngkong dooh ha Jowai.
Kani ka dukan em ko mar pyrchah ka Lad Stadium ha Ladthadlaboh, Jowai wei man ko ka dukan wa yoh ya ki tiar wa har rukom namo ka One Stop Shop.
Ha Ilahui ye phi u yoh ya ki tiar wa har rukom nadooh ki tiar pynriam yung, ki tiar wow pynemkaam ha yung, ki tiar pynmiat, ki tiar kyndehke ki khynnah, ki juti, ki speiñkhlieh (Shawl), ki baam wa wanrah na baar, ki tiar thoh tar (Stationery), ki satri, ki tiar e sñiawbha wa kiwi kiwi.
Chooh chooh da pyntip wa dang em chooh ki tiar wa daw poi ha ini i dukan ha ki sngi wow wan.
I por wow wai i toh nadooh 10:00 waje i step hadooh 8:00 waje i miet man-ka-sngi lait na ka sngi Bibar.
Kamtæ da khut sñiawbha ya ki paidbah wow wan cha kani ka dukan khnang wow yoh ki ya ki tiar kiwa phær wei kiwa miat wa soi.
