Ka East Jaiñtia Hills District Cricket Association da chem chitom ko pyrchah ya ka West Jaintia Hills District Cricket Association tangwa da wan pynlait im ya ka da u slap uwa da e laad du 26.1 Over ka yaleke ynne ka sngi ka U-15 Inter District Cricket Tournament 2023 ha ka yalehke Zone 1 wa da pynman ha Umbuda, Ri-Bhoi.
Ya ka EJH da phah Bat nyngkong ya ka hadien wa jop ka WJH ya ka kylla-khlem tangwa ka EJH da ye ko wow kamai du 20 Run ha ka Innings wa nyngkong heiwa ka WJH da jubab ko da 12/1 hadien 6 Over chwa wow wan u slap uwa da pynkut yei yalehke ka sngi nygkong. Kiwa kawang bol ka WJH wa da lehbha toh u Stevenson M Sten (4/5), u Maremdorkini Sutnga (3/2) wa u Neheimaia Gatphoh (2/1).
Ha ka Zone 2 won, ka West Khasi Hills District Cricket Association da jop ko ya ka kylla khlem wei da jied ko wow kawang bol chwa pyrchah ya ka South Garo Hills District Cricket Association.
Ka SGH da lai ko wow kamai 184 (All Out) na ki 57.5 Over wei ka WKH da kamai ko 10/0 na ka chi Over wa da yoh ki wow Bat chwa wow kut ka yalehke.
Ki 5 ngut kiwa Bat ka SGH da ye ki wow kamai tangwa ym em wa ye ki wow kamai boon wei ha iwi i por dapoi ki 116/9 chwa wow wan uwa Bat hei 11, u Brilliance S Marak yow pynyoh lok wa uwa Bat hei 10, u Jibon N Marak.
Kini ki arngut da kamai ki 68 Run ya ka Wicket wa khaddooh heiwa u Brilliance da kamai u 38 khlem haap katwa u Jibon da haap u hadien wa kamai 33 Run. Ka WKH da pynemkaam ko 9 ngut kiwa kawang bol kiwa lehbha dooh da u Dabetbhalang Kharjana (3/22) wa u Jemmillson Marngar (3/23).
