Ynne i sngi heipor kamwa 12:15 da em i jia tyrrah ki artylli ki thuk-thuk ha Lad Jowai Bypass ha Thadlaskein hajan ka Hotel Highwinds Lakeside.
Kini ki thuk-thuk toh kiwa lai cheiliang Ummulong kawi toh kawa em Number AS-01ET-3496 wa yah da u Nirmal Khaklary wa uwi uwa chong hadien uwa tip kam u Abhishek Deka wei kawi won ka thuk-thuk toh kawa em Number ML-05X-5958 wa yah da u Ebhami Lyngdoh wei uwa chong hadien won toh uwa tip kam u Meban Lyngdoh na chnong Laskein da ya tyrrah ki heipor wa dang ya chim Pass ki.
Ha ini i jia waroh kiwa chong thuk-thuk da mynsoo ki heiwa u Meban Lyngdoh da mynsoo joor u wei da kit ya ki waroh cha Jowai Civil Hospital, Ialong da ka Ambulance wei ya u Meban Lyngdoh won da phah kit ya oo cha kiwi ki thaw sumaar wa pliah.
Heiyatoh wa ini hadooh wa pynmih ya ka khubor ympu tip yi wa bakla neibhah ym em ki bru wa sakhi yeini iwa jia.
Ini toh katkam wa pyntip da ki pulit.
