Ka ABVP ynnin ka sngi da pynman ko ya ka Experience Sharing Program yong ka Student Experience In Inter-state Living (SEIL) heiwa da emlang u M. Kharkrang kam u chnongknor wa ka B. Kharshiing kawa man ka Principal of Institution of Hotel Management kam ka symbood chnongknor.
Da emlang leh ka Dr. Solony Bareh, State Vice President ka ABVP Meghalaya wa ka Darilin Tang kawa man ka Central Working Committee Member yong ka ABVP ha waroh ka ri.
Ha kani ka yalang da wan kamwa 90 ngut ki Delegate kiwa lai mihkhmat ha ka National Integration Tour yong ka SEIL ha uni u bnai wa dadep nadooh 1 tarik hadooh 20 tarik u Thohlakhmi.
Kini ki Delegate toh kiwa na ri-loom Garo, Khasi, Jaiñtia kiwa em kamwa 90 ngut na waroh ka jylla.
Ha kani ka Experience Sharing boon ki Delegate da pynsñiaw ki ya i mynsien wei sñiawngooh ya ka ABVP wa da e ko kam kani ka laad wa yoh laad ki u lai pynyoo ya ka chaad tynre, ka riti dustur yong ki cha kiwi won ki jylla yong ka ri India waroh kawi, khamtam wa yoh ki u lai sakhi ya ki Central University wa ki State University ha ki jylla waphær waphær, da ong ki leh wa ki manyung namo ki Host Family da pdiang burom ki ya ki kam kiwa hayung hasem yong ki hi.
