Ka Meghalaya Pradesh Congress Committee (MPCC) ynne ka sngi da pynman ko ya ka yalang hakhmat ka yung krehkaam ka Party ha Shillong wow pynyoo yei pyrchah hajrong i chah pyndam man MP u Rahul Gandhi.
Da yahkhmat ya kani ka pynyoo yei pyrchah da uwa e ktien ka Party, u Ronnie V Lyngdoh deiwa emlang leh kiwi ki MLA wa kynthup ya u Charles Marngar, u Dr. Celestine Lyngdoh wa u Saleng Sangma.
Neiliang u Ronnie Lyngdoh da beiñ u yeini i chah pyndam u Rahul Gandhi deiwa ong wa ini toh i yooh beiñ yei hok synchaar paidbah wa i hok wow pynsñiaw yeiwa em ha i da kani ka sorkar NDA wa yahkhmat da u Narendra Modi.
“Kwah ki wow murieh yei sakhiat kiwa da klam u Rahul Gandhi hapoh Parliament wa ha kiwi ki rynsan yei rukom synchaar embor ka sorkar”, da ong u Ronnie Lyngdoh.
Kini ki jooh ki jooh ki yalang da pynman leh ha kiwa boon ki bynta ka ri yow pynyoo yei yatylli wa u Rahul Gandhi.
