Ka Hynniewtrep Integrated Territorial Organization (HITO) Laskein Area hapoh i yahkhmat u President u Nimain Lyngdoh haka 27 tarik da lai e kti ko ya ka dorkhat ha ka yung krehkaam Divisional Soil and Water Conservation, Jowai wow paan pynche wa kani ka chnat ha chnong Laskein, West Jaiñtia Hills District man ko kawa da khang khyrdep da boon snem.
Neiliang ka seiñ da dawa ko wow pynche na kani ka yung krehkaam yei daw wym em pynkrehkaam ya kani ka yung.
Chooh chooh neiliang u SDWCO ka West Jaiñtia Hills da kubur u wa da khang khyrdep ya kani ka Range Office ha Laskein wei da kular u wow chimkhia wei wow booddien khnang wow ye biang u pynkreh ya ka.
