Ka Meghalaya da rem ko ha ka yalehke war yong ka ha ka Group A yong ka 1st North East Inter State Friendship Tournament da 6 Wicket ha ka Manipur wa da pynman ha Nagaland ynnin ka sngi.
Ka Meghalaya da kamai ko 178 na 48.3 Over wei ka Manipur da jop ko deiwa yoh 182/4 na 38.1 Over.
Waroh arliang toh kiwa da yoh u psiah cha ka Semifinal tangwa ka Manipur da yoh nyngkong ko na ka Group A, katwa ka Meghalaya da yoh wa ar ko.
Ka Meghalaya da sdang ko deiwa miat lyngba u Kishan Lyngdoh wa u Raj Biswa deiwa kamai 47 chwa u haap u Kishan da 37 Run. U Arien Bonchang Sangma da chimkti u ya ini deiwa kamai 55 Run na 88 bol yow pynyoh ya ka Meghalaya 127/4.
Kiwi de kiwa Bat ym ye ki wow neh slem heiwa da haap lut ki deiwa pynpoi ya ka Meghalaya da 178/10.
U Akash K Choudhary da yoh u wow pynhaap Wicket pyn ha ka Over wa ar yow pynyoh ya ka Manipur 22/1 tangwa da ye ki wow pynskem da kiwa Bat neibynta ka Wicket wa ar deiwa kamai 53 Run chwa u yoh LBW u Sanvert Kurkalang ya u Longjam M.
Tangwa hadien ini ym em de ye ka Meghalaya wow pynhaap Wicket heiwa ka Manipur dapoi ko 100 Run hapoh 19 Over.
Da haap leh sa ar tylli ki Wicket lyngba u Arbin Singh wa u Das uwa da pynhaap ya u Langlonyamba (50) tangwa da emkaam ka Manipur du 9 Run yow jop.
