Ka chnong Byrwai, East Jaiñtia Hills District ynnin ka 1 tarik da pynkup burom ko ya u MLA ka thaaiñ, u Kyrmen Shylla uwa man leh kam u Montri sorkar deiwa sakhi lang u MDC ka thaaiñ, u Lomris Lyngdoh, ki MDC warim wa kynthup ya u Sevenborn Tang, u Wanbiang S Manar deilang wa u Waheh Chnong ka Khliehriat, u K. Shylla, u Waheh Chnong ka Sohkymphor Pohshnong, u Mar Lyngdoh, u Waheh Chnong ka Sohkymphor Pohmision, u Lomis Langstang wa kiwi kiwi ki waheh wa paawkhmat kani ka thaaiñ.
Ha kani ka sngi da pynman leh ya ka yalang wa tbian wei da yoh leh yei chaad lehkmen da ka Seiñ Khynroo ka chnong Byrwai wei neiliang ka chnong Byrwai da e yaroh ko ya Kyrmen Shylla uwa da lehbha chiboon ki kaam pynroi hapoh chnong uwa da tam i e yarap na waroh ki MLA warim.
Neiliang u MLA hawa e yei klam da yaroh u ya kani ka chnong kawa da e yei kyrchaan wa pura ya oo hadooh 80% ha kani Election MLA 2023 wadep wei da khutlang u wow ya krehlang biang khnang yow yoh u pyndep ya ki kaam kiwa dang sahteiñ hapoh chnong poh thaw.
