Ka Khasi Jaintia Christian Leaders Forum (KJCLF) ha ka kyrwoh wa da phah da ong ko wa kam kiwa yahkhmat Christan ha ka jylla dap ki dei sñiawkhia hawa yoh u sñiaw ya ki khubor wa da mih ya iwa da jia ha Bihar hawa uwi u Pastor wa uwi u Tymmenwasan na Shillong da maad ki yei pynyoo bor iwa ye wow yah yei chei maa neibynta yong ki.
“I da booh i yei duwai neibynta i bha wa i chngaaiñ ya kini ki rangbah wei i sñiawthooh i wa ym em iwon iwon wa jia wa sñiawsih ya ki. I da yoh yutip i leh wa wa ynne i janmiet kini ki arngut da em ki ha luti wow liwan noh cha yung.”
Ka KJCLF da beiñ joor ko ya ini i pynyoo bor pyrchah ya kiwa kreh Mission Christan, wei pynsñiaw yei ki sñiawbha ya kitu waroh kiwa em yei kitkhlieh wei wow yada hei krehkaam yong waroh artylli ki jylla kiwa da ye wow pynbait noh ya kiyi kiyi ha ka rukom wa bait.
“Deilang wa i khut i cha i duwai wa i kyrchaan na ki para wa ngait, ka Forum da kyntu ko ya waroh kiwa pynemkaam ya ki Social Media wow kiar nei pynpoor smat ya kiwon kiwon ki khubor wa em i bor wow wei pynchit yei leh kylliang.”
Najrong itæ, hawa kyrchaan yei kreh Mission wei chakhri yong ki Balang wa ki kynhun Christan, ka Forum da pynkynmoo ko ya waroh wow man ki kiwa tip wa sñiawthooh yei rukom man ki thaw kiwa lai ki wow leh yei kreh Mission ha waroh kawi ka ri. Dang arsngi nachwa ha ka Easter Sunday, u Montri Rangbah ka ri, u Narendra Modi da lai pait u ya ka thaw mane ki Christan ha ka nongbah Delhi. Kamtæ ka Forum da khut ko ya waroh kiwa em ha ka bor ha ka ri wow pait bha ki wa i suk wa i chong chngaaiñ u em ko ha ka imlang sahlang waroh.
Ka Wyrta na u Rev. Dr. Edwin H Kharkongor, Secretary, KJCLF.
