Ka yaseiñ yong ka Khasi Jaiñtia Presbyterian Assembly kawa khatwi daw man ko ha ka Balang Presbyterian Sutnga nadooh ka 13 hadooh ka 16 tarik uni u bnai wei ka Balang da pynkhreh ko chait chait wow pdiang ya kani ka yaseiñ Assembly.
Kamtæ ka Balang da pyntip ko yeiwa emkaam iwa da pynbait kamni ha wah:
I pdiang ya ki dkhot wa Delegate u man ko ha ka 13 tarik iwa daw pynman ha skur yong ka Sutnga Presbyterian Higher Secondary School kawa em marpyrchah wa ka madanbol ka chnong Sutnga, kawa man leh ka thaw wow pynman ya ka yakseiñ paidbah ha ka 16 tarik.
Ha ka 16 tarik ki kari kiwa wan cha kani ka yaseiñ nadooh ki kari khian wa ki kari heh wow sñiawbha ki wow bood katkam i pynlai yong ka Traffic Cell. Ka Balang ym em booh ko ya ki Car Pass neibhah ya ki thaw pynyieñ kari waroh em ki hajan ka thaw pynman yaseiñ.
Kiwa klam man ki kamni: Heipor 10:30 i step na u Rev. A.L. Laskor wei heipor 1:30 i sngi na u Rev. G.P.L. Gadew ryngkat ki Choir na ki Balang yong ka KJP Synod Mihngi wa Sepngi.
Khaddooh da kitbok kitrwiang ya kiwa wan cha ka yaseiñ Assembly nadooh ki dkhot wa Delegate hadooh kiwa wan ha ka Sngi U Blai wa u Blai i suk u yah wei wow pait u ya ki ha ki luti syngkieñ yow poi ki dei suk cha ka Balang Presbyterian Sutnga khlem iwon iwon i wit i thut.
Ka Wyrta wa phah da u u T.Bn E. Gympad, Secretary ka Balang Presbyterian Sutnga.
