Ka Seiñraij Jowai deilang wa ka Dorbar Niam ki khon ka Raij Jowai ynne ka sngi Thymbleiñ da pynman ki ya ka yalang pdiang burom yei lai luti yong ki Moobynna kiwa da kit na chnong Narwan, East Jaiñtia Hills yong ka Elaka u Dolloi Shangpung ki wow man ki Moonaam Moopynyieñ yong ka Lympung wa 33 ka Sengkhihlang ha chnong Tyrsad, East Khasi Hills.
Ha ka yalang pdiang burom wa da pynman ha Myntdu, Pynthorneiñ hei sakhilang u Dolloi Elaka Jowai, u Waheh Puramon Kynjing, ki waheh wasian ka Seiñraij wa ki waheh wasian ka Ñiamtre na kiwi ki Raij ki chnong.
Neiliang u Arwotki Sumer, General Secretary Seinraij Jowai da e u ki kyntien kitbok kitrwiang katwa u Raymond Nartiang, Pator Raij Jowai da pyndep u ya ka niam ka rukom deiwa pynsum pynsait ya ki Moobynna neitæ pynbood won i ngooh i dem, i pynap blai pynap syiem.
Kini ki Moobynna toh ki wow pynkhai pynyieñ mynstep ka sngi Hat 15 tarik ha chnong Tyrsad ki wow man leh ka dak ka sakhi wow yieñ sahkynmoo teiñ la pateiñ yei man kyrpang ka Lympung wa 33 ka Sengkhihlang ha chnong Tyrsad.
