Ka Ummulong Sports Club da jop ko da 82 Run ya ka Evergreen Sports Club Mukhla Mission ynne ka sngi ha ka Open to All Cricket Tournament 2023 wa pynman da ka West Jaiñtia Hills District Cricket Association Jowai ha madan Khliehtyrshi Mini Stadium.
Ya ka kylla-khlem da jop da ka Ummulong Sports Club heiwa da jied ko u Bat nyngkong wei da ye ko u kamai 264 Run na waroh ki 35 Over deiwa dooh 9 Wicket deiwa kamai boon da u Wellmanson Passah 68 Run na 53 bol, u Carefully Gassah 53 Run na 53 bol wa u Heisniawlangki Lamare 41 Run na 41 bol katwa na kiwa kawang bol ka Evergreen SC da yoh wow pynhaap Wicket da u Khimti Dkhar 3 Wicket na ki 7 Over wa u Felixdon Bang 2 Wicket na ki 6 Over.
Hawa kdong yei thong, ka Evergreen SC da ye ko wow yoh du 182 Run donhi na ki 35 Over wei da dooh ki 9 Wicket, kiwa rap lehbha toh u Evilin Challam 45 Run na 36 bol wa u Dangahi Suna 49 Run na 61 bol, neiliang kiwa kawang bol ka Ummulong da lehbha u Wellmanson Passah uwa da yoh 3 Wicket na 7 Over.
Yei naam Man of the Match da yoh da u Wellmanson Passah yong ka Ummulong Sports Club.
