Da: U Shimphang Lyngdoh, Lumputhoi EJHD
Ha sngap ko kur ko kha!
Ïaphi ngan iathuhkhana,
Ka Um-saw mynta ka lah jan wan;
Ba ngi u khun bynriew ngin sa iapthngan.
Ha kane ka Ri baieid jong ngi,
Lah bun bah ki briew bastad;
Ki kam ki jam ngim ioh eiei,
Ba sorkar kam nangthaw ki lad.
Katba nangmih ki sngi ki ïa,
Ka pyrthei ruh lah nangkylla;
Ngi kiba wan kham hashuwa,
Ngim pat tip ba kumne kan jia.
Related posts
Ka pyrthei stad kaba mynta,
Bak-la-bak ka lah kylla;
Na ka Radio sha ka Telebishon,
Mynta pat ha ka mobile ki kti ban ñion.
Jinglehkai ba laiphew jait,
Kti kamon kadiang ym bit pyllait;
Na ka Blue Whale sha ka sdien phasi,
Nangta pat sa ka khalai Fire bad khalai Pubg.
Ko khun samla kynthei shynrang,
Wat leh kum ki riew-stad riew-nang;
Manla ka sngi ym don jinghun,
Ïa ka mobile phone la bsa kumba bsa khun.
