Heiyatoh wa i kyrriah ya kiwa sah ha Punjabi Lane, kawa em ha Them Iewmawlong, neiliang ka Harijan Panchayat Committee da jubab ko deiwa khor ya ka sorkar wei hadien wa yaklam wa ki dkhot yong ka da ong ko wa ka i pynwandur namo ka Blueprint ka sorkar toh kawa ymye wow pdiang wei ym man ko katkam ka synchaar paidbah.
Ha ka chithi wa da thoh cha ka sorkar wa ki chnat waphær waphær da ong wa em chiboon i duna ki yurim katkam ka High-Level Committee ka sorkar jylla wa i rukom kyrriah ya ki.
Heiyatoh wa i kyrriah ya ki da ong ko wa i klam ka sorkar toh iwa pynchrai deiwa pynkhreh ya ki yung wa man kam ki thlu donhi ha chram, da ong u Secretary ka HPC, u Gurjit Singh.
Da beiñ leh ya ini i rukom kyrriah ya ki, iwa pynbor ya kiwa chong chnong ka Punjabi Lane (Harijan Colony) wow pynlait ya i hok yong ki hanla khian i thaw wa da pynwandur ha ka Blueprint.
Hawa yaklam wa kiwa pathai khubor u Secretary ka HPC u Gurjit Singh da ban joor u wa em 8 tylli ki mat dawa dang yieñ ki wei ym randien ki du nei myntoi ka sorkar khamtam wa i thaw man i ka thaw pyrdi ha ka khayi pateiñ
Ka Harijan Panchayat Committee da yakhun ko ha ki 30 snem nachwa wa lada ini i thaw haap i hapoh u Syiem Mylliem, wei ymtoh i yong ka sorkar wei da ini ym ktah i ya ka Meghalaya Land Transfer Act.
Heiyatoh won wa iwa jia ha ka 31 Naisan 2018, ka HPC da ong ko wa mar jia ini i yakhih mih syndet i kaam wow kyrriah ya ki.
Ka chithi da pynkhor ko ya ka Blueprint-Area wa khian ware wei eh u yoh myntoi na ki chnat sorkar.
U Gurujit Singh da ong u leh wa em chiboon ki dak yong ka jylla wei ka sorkar da chimkhia ko yeini kamjooh leh ka Harijan Panchayat Committee, u kyntait bait ki u mih.
Da ong ki leh wa kwah ki wow im deiwa emburom, wei toh u e laad u chna ki yei yung yong ki wei ki daw pynmiat ki leh ya ini i thaw iwa da im nadooh ki waheh yong ki nachwa.
Wei ym em jadoo wa ye u leh wow kyrriah ki hapoh uni u bnai wei i ong ka sorkar yeini toh wow pynbiej bru donhi.
