Ka Mela pynka’it kasar wa boonjait neibynta ki khynnah wa kamjooh ya kiwa heh, kawa da pynman da ka Betterlife Self Help Group Iawmusiang, Jowai, da wai paidbah yaka haka 17 tarik uni u bnai da u Lasooki Lakiang uwa man u Chairman ka Jowai Municipal Board hei emlang ki dkhot ka Betterlife SHG wa kiwi ki dhab wa jooh yakrehlang wa ka.
Kani ka Mela da pynman ya ka ha Madan Tympang Iawmusiang Jowai, wei heini ki paidbah ye ki u yoh ya ki tiar pynka’it kasar wa boonjait iwa yatoh neibynta ki khynnah kamjooh kiwa heh.
Neitæ heini ye leh u yoh ya ki tiar wa boonjait wow pynemkaam ha yung, ki tiar wow pynmiat ya-i-dæ, ki tiar kyndehke wa kiwi deiwa chimbynta u thied ya ki slip wa em ya ki number hapoh, dei wa pakhot kyrwiang, deiwa chim bynta ha ka pynskit, namo deiwa thied bait yaki tiar wa yoosuk katkam i dor wa booh ki.
Ye leh u yoh ya ki baam wa boonjait kynthup nadooh ki achar, ki soh wa kiwi.
Ka bai psiah ha kani ka Mela toh T. 20 samen neitæ hapoh kani ka Mela won ye u thied ticket yow chimbynta heiwon iwon iwa kwah næ wa yoosuk.
Wei ya kani ka Mela u pynkut hadooh ka 8 Naisan 2023.
