Ka Department of District Mental Health Programme, Civil Hospital Ialong, West Jaiñtia Hills District chirup wa ka Department of Sociology, North East Adventist University, Khliehtyrshi Jowai da pynman ko ya i pynsñiawthooh hajrong i chitom hei thij i pyrkhat wei kammon ktah ko ya ki bru namo ‘Mental Health and its related problems’ ha ka 24 tarik uni u bnai.
Ki bru chemphang ha kani ka sngi toh ka Shelomi Vima Syngkon kawa man ka Clinical Psychologists wa ka Diana Roy Tongper wa man Psychiatric Social Worker.
Ya kani ka esikai da pynman khnang wa kiwa sikai wa ki khynnah na kiwi ki chnat puræ kani ka skurbah u sñiawthooh ki ya kiwa boon ki bynta heiyatoh wa ki bru kiwa em chitom hei thij i prkhat kam i sñiawsih, tieñ, khyrngiat (Stress, anxiety and depression) wa kiwi kiwi wei kammon u yarap ya ki.
Chooh chooh ymtoh u yoobeiñ ya ki bru kiwa chitom wei iwa ye u sumaar ya ki heipor wa biang.
Ha kani ka esikai da em hadooh 415 ngut kiwa chimbynta.
