U Muktiar wa da heh ha jylla, u VGK Kynta da pynbna paidbah u wa da mih noh na ka seiñ BJP Meghalaya nadooh ka 20 tarik uni u bnai.
Da ong u wa da psiah u cha ka BJP ha ka 28 Khonchonglad 2022, tangwa hadooh kini ki sngi da chah ieh noh u khlem yoh iwon iwon i kaam deiwa pynrap wa da psiah u cha kani ka seiñ toh dei thmu wow chakri ya ki paidbah.
ADVERTISEMENT
Ha iwi i liang u Kynta da ong u wa ki ar ngut ki MLA ka BJP ym em u jop ki neidaw ka party, deiwa ong wa kini ki ar ngut da jop ki dei maya ki paidbah.
Da ong chooh chooh u wa u Sanbor Shullai lada yieñ yakhun u na ka seiñ na Bihar leh u jop bait u neidaw ki kaam wa leh u ha Constituency.
