Ka Dorbar Chnong Lapangap ha ka 26 tarik uni u bnai da lai pynyieñ Signboard ko ha kylleiñ soodong ki wah kiwa em harood yong ka chnong Lapangap nadooh ka wah Pynthor, wah Mynski, wah Mynriang ter-ter kam chibynta i pynbna paidbah ya ki kyndon yada ya ki dohum wa em ha kini ki wah.
Kamtæ ka Dorbar Chnong da ong wa ym chah de u e bih, u tympdung, u beh kynjun, u pynemkaam jaar (sasi) wei u chah du deiwa khwe da ki pyrsiej donhi.
Lada chem ya kiwon kiwon lada man ki ki tre chnong lane ki baar chnong kiwa leh pyrchah, daw pynchitom ya ki katkam ki kyndon wa da booh.
Kiwa leh pyrchah daw pynchitom ya ki katkam ka aiñ deilang wa ka kuna kawa T. 5000.
