Chibynta wow lehwarom ya i dap 122 snem wa wan u Swami Vivekananda cha Shillong wei ka Foundation Day yong ka Ramakrishna Mission Vivekananda Cultural Centre (RKMVCC) ynne da pynman ya ka yalang ha RKMVCC, Quinton Road, Shillong.
Ha kani ka sngi u Lat ka jylla u Paghu Chauhan da man u kam u kongsan heiwa da lehwarom ya u Swami Vivekananda u bru wa chynna jngai neibynta ka ri India.
U Phagu Chauhan da yaroh u ya u Swami Vivekananda kam u khlawait uwa da pynkylla ya ka India, wa da pynchlur ya ka ri wow yieñ pyrchah ko yeiwa sih wei wow wanrah yei yatylli.
U Lat da kyntu u leh ya ki paidbah wow em ki yei mynsien wow yahkhmat, u poi cha ka thong i jop wei wow yarap ya kiwa duna hei yoh i laa.
Da yaroh u leh ya ka Ramakrishna Mission Vivekananda Cultural Centre kawa da esikai ya ki 2100 ngut ki khynnah ha ka Computer wa i tip yei ktien para wei da kyrmen u leh wa ka Mission u pteiñ ko ya ki kaam wa bha ha ka imlang sahlang.
Ha kani ka sngi da pynlait leh ya ka kotdur namo Magazine wa tip kam ka Ka Jingshai- The Light Volume 4 Issue 1, da pynkup burom leh ya kiwa sikai warim wa kamjooh da ekti ya ka Vivekananda Award of Excellence wa kiwi kiwi.
