Ka Wah Myntdu kawa da khut leh kam ka Tawiar Takan namo ka Wah wa yada wei pyndap ya ka chnong Jowai waroh chi kattu, sñiawsih won u yoo yei man i long kani ka wah katni heiwa da sakhi wa da kit ko sadu ki plastic wa ki klong plastic ha chi lynter kani ka wah.
Ka JSM Jowai Circle da ong ko wa ini i wan i jhep toh khamtam heipor wa slap wa neidaw wei ka Jowai Municipal Board (JMB) ym jooh wan kit tista ko yei jhep na ki dong ki chnong ka sor Jowai kamtæ ki bru leh da noh khiar ki kat chawa yoh yei jhep.
Da ong ko leh wa ymye u mylliñ ya ka Khooid ka Wah Myntdu deiwa ong wa nei kreh chitom yong ka da ye u thooh ki laad ki luti wow kah ya i jhep chwa wow poi i cha ka wah, neiliang ka seiñ JSM Jowai Circle da sñiawngooh ko ya kani ka seiñ heiwa da phah ya ka JMB wow chna ya ki nala ha tymbud kani ka wah.
Ka JSM da kyrpaad joor ko ya kiwa pynlai ka Jowai Municipal Board (JMB) wow wan kit yei jhep na ki dong wa ki chnong wa em ha sor Jowai.
