Jowai: Ynne ka sngi 9 Khonchonglad ki le tylli ki skur SSA wakynthup ya ka Rud Myntdu LPS wa ka Chutwakhu UPS da chim ki wow pynman ya ka prokram kyrpang wa tip kam ka Sensitization Programme on Safe Practices in Cleanliness and Sanitation heiwa ki bei ki pa yong ki khynnah puræ kini ki skur dawan ki wow ya chimbynta.
Neiliang ki khynnah puræ yong kini ki skur hei chim ya ka bynta wow e i klam, i batai hajrong ka thong yong kani ka prokram, katkam i bor sñiawthooh yongki da kyrsu kyntu joor ki ya ki manbei manpa wow man ki, ki tæ ki bru kiwa tip u kheiñkor yei khooid i jngiar nadooh i pran samen samen, ha yung ha sem ha ka dong ka chnat hadooh ka imlang sahlang waroh kawi.
Ka thong wa pynman ya kani ka prokram toh u man ko leh kam ka dak wow pynyoo hakhmat ka pyrthai wa ki khynnah leh em ki ka bynta wakhroo hei wow wanrah i kylla dur ya ka dong ka chnat, ka chnong ka thaw ha waroh ki liang.
Nalor i klam i batai ki khynnah skur, kiwi tawan ki bynta kiwa da pynchiap ha kani ka prokram toh i chimbynta da waroh hei wow puræ ya ka Swachh Bharat Pledge wa i pynman ya ka Cleaning Drive.
Discussion about this post