U montri rangbah ka jylla, u Conrad K Sangma ynne da pyntip u wa ka sorkar daw khut yalang ko wow pyrkhat hajrong i pynkrehkaam ya ka Roster ka jylla.
Da pyntip u wa hadien ka 15 tarik daw khut ya ka yalang hei wow pynkrehkaam ya ka Roster System ha ka jylla wei daw em ki sahep na waroh ki chnat, ki seiñ kreh monañiawbha wa kiwi kiwi.
Ka Roster System pyntikna ko wa ki bhah neibynta ki Scheduled Caste, Scheduled Tribes, wa Other Backward Classes, yoh kreh wei lai puræ ki salonsar katkam ka bhah.
Heiyatoh wa i yaklam ha ka Roster System, u Conrad Sangma da pyntip u wa i em ki bru ha ki chnat kiwa na ki jaitbru waphær waphær wei ka dhab ki montri leh da puræ bniah ko yeini waroh.
