U national president ka National People’s Party (NPP) uwa man leh u Montri Rangbah ka jylla, u Conrad Kongal Sangma da ong u wa ya katni i yaklam dang lai i chaphrang wa ki MLA ka People’s Democratic Front (PDF), wei neiliang ka NPP daw yang ko ya i rai ki heh ka PDF.
Hawa klam ynne ka sngi, u Conrad da ong u wa ya ini i psiah noh ka PDF cha ka NPP da yaklam paidbah ha ki yaaw ki hat, wei heijooh i por da ong u wa neiliang ka NPP da pyrchang pynbait ko yeini wa ki heh ka PDF wow pynman kaam yeini.
Katkam wa khana u Conrad, ka PDF em ko leh ya ka general council, hadien ka central executive committee kawa da man ynne ka sngi wow yaklam hajrong ini i kaam.
