Ka result Super Division ynne ka 9 tarik wa ki tarik yakhun Semi Final

Jowai: Ha ka yakhun Super Division wa da pynman ynne ka sngi hapyrdi ka Khimusniang wa ka Sohmynting ka Khimusniang da jop ko da 4-3.

Ya ki kool ka Sohmynting da thap da u Donbok Bamon ha ka minit wa 17, u Pynshngainmi Suchiang ha ka minit wa 45 wa na u Chirup Suting wa ha ka minit wa 90+4.

Katwa ya ki kool ka Khimusniang da thap da u Daiakmenlang Dkhar ha ki minit wa 21 wa 57 min, na u Wansalan Suting ha ka minit wa 66 wa na u Ebenezer Lyngdoh ha ka minit wa 81.

Na ini i jop ka Khimusniang da man ko ka dhab wa ha khlieh dooh wa yoh u psiah Semi Final pynbood sa ka Nangbah Mulang, wa le ka Chutwakhu wa soo won ka Sohmynting.

Related posts

Super Division Saipung: Jop ka Lamyrsiang ya ka Jalaphet Bri Sumer

November 26, 2024

Super Division EJHDFA: Jop ka Chiehruphi ya ka Ladrymbai-B

November 26, 2024

Ya ki yakhun Semi Final won u pynman ha ka 12.11.16 heipor 2 waje i sngi ha pyrdi ka  Khimusniang Vs. Nangbah Mulang. Ka Semi Final wa ar won u pynman ha ka  14.11.16 ha pyrdi ka Chutwakhu Vs. Sohmynting heipor 2 waje i sngi, ka Semi Final wa le won u pynman ha ka 17.11.16 ha pyrdi kiwa rem ha ka Semi Final wa nyngkong pyrchah kiwa jop ya ka Semi Final wa ar heipor 2 waje i sngi.

Ki dhab wa chah pynhair kyrdan cha ka 1st Division toh ka Shangpung Moosyiem wa ka Sabah Muswang.