Ka World No Tobacco Day da lehwarom ya ka man u snem ha ka 31 Naisan ha waroh ka pyrthai heiwa a uni u snem ka phang hapoh ka jylla man ko “My Meghalaya, Tobacco Free Meghalaya”.
Da pynman ya i pynsñiawthooh heiyatoh wa kammon ktah i baam wa i dih duma.
Hajrong kani ka sngi ka Dr. Lana L. Nongbri, State Nodal Officer, National Tobacco Control Program, Department of Health, Government of Meghalaya da ong ko wa u duma ktah ko ym du ya kiwa pynemkaam tangwa wot ya ka rymaw leh kamjooh. Ya u duma da pynemkaam 47% da ki bru wa palat 15 snem tam ha ka jylla wei tynyap u hadooh 8,000 ngut ha Meghalaya ha ka chi snem.
Ka World No Tobacco Day 2023 (WNTD’23) Campaign da sdang ha ka 22 Naitung heiwa da pynman ya i lai paidbah ki khynnah skur pyrchah ya u duma wa i soi pyrtuid.
Ka Campaign toh chibynta yong ka Tobacco Free Educational Institutions (ToFEI) wa da pynkreh nadooh u Wisu 2021 chirup wa ka Sambandh Health Foundation.
Lada pyrkhat i wa ki karkhana yada ko ya ka rymaw tangwa ini waroh toh iwa bakla neibhah u duma tynyap u palat 7 million ki bru ha ka pyrthai wei 13.5 lak ha India.
Kamwa 560 tylli ki karkhana cigarette ha ka pyrthai pynmih ki 6 trillion u cigarette man u snem.
U Deputy Commissioner, East Jaiñtia Hills District, u Abhilash Baranwal, da ong u wa u duma man u kam ka dwar cha i drugs. Da ong u wa ka WNTD Campaign toh wow pynsñiawthooh ya ki khynnah wa ka imlang sahlang wow wanrah i kylla neibhah ha u snem wa dadep ka WNTD22 Campaign ha East Jaiñtia Hills, 398 tylli ki skur da chimbynta ki ha ki Rally wei da pynlang hadooh 312,893 tylli ki soi pyrtuid na ki 24,950 ngut ki khynnah.
Da kyntu u leh wa ha uni u snem u rap boon chooh ki skur wow chimbynta.
