Ka Physics Department yong ka Kiang Nangbah Govt. College, Jowai ynnin ka sngi da pynman ko ya ka e sikai watip kam ka Practical Demonstration ya ki khynnah Class XII ka skur K.J.P Synod Mihsngi Higher Secondary School, Jowai.
I thmu kani ka programme toh yow e laad ya ki khynnah wa puræ haka kyrdan B.Sc 6th Semester (Physics Honours) u e sikai kylla ki cha ki khynnah pule Class XII Science kani ka skur hei yatoh ka Experiment yong ka Physics kawa ki da dep puræ ki.
Heijooh i por man ko leh chibynta u yoh mynsien ki yow nangkreh chitom chooh wei bniah leh ya ki bynta wa da yoh sikai.
Chwa ini da em leh ka yalang wa tbian wa pynlai da u T. Bamon, H.O.D Physics Dept. ka Kiang Nangbah Govt. College, da yoh leh i klam na u H.W.D Passah, Vice-Principal, K.J.P Synod Higher Secondary School, Jowai na ka P. Mukhim, Associate Prof Kiang Nangbah Govt. College, Jowai wa na u R. Nanghuloo, Asst. Prof. Kiang Nangbah Govt. College.
Da pynkut won dei klam tbian na u Precious Sten B.Sc. uwa puræ ha ka 6th Semester uwa da batai leh yei chem yong oo wa kani ka subject, da yoh i klam naka Knerlang Paslieñ, kawa chong Class XII Science, K.J.P Synod HSS, Jowai katwa yei kyntien e khublei na u Dr. D. Suchiang, Asst. Prof. Kiang Nangbah Govt. College.
