U SP ka East Khasi Hills, da pyntip u wa hadien wa da mih i kulmar ha ka jylla Manipur hapyrdi ki Kuki wa ki Meitei, ini da chlai i cha Shillong leh ynne ka sngi heipor kamwa 5:30 i janmiet.
U SP da pyntip u wa ki pulit ka Laitumkhrah Police Station ynne da pyntip cha ki wa da em ki bru kiwa yachoh yadat ha Nongrim Hills hajan Mizo Morden School.
Kamtæ ki pulit da lai ki cha ini i thaw heiwa da chem wa da em 2 ngut na kawi ka jaitbru kiwa da dat ya uwi won na kawi ka jaitbru.
Yow lait ini i kaam u heh, neiliang ki pulit ka EKH da kem wei da pynngat ki ya 16 ngut ki bru hapoh ka Section 107 CrPC kiwa na waroh ar jaitbru yow khanglaad ya ki yow sdang ki ya iwon iwon i kulmar yow neh i suk hapoh ka sor Shillong.
