Ka East Jaiñtia District Cricket Association (EJDCA) ynnin ka 4 tarik da sdang ko ya ka Open To All T20 Tournament 2023 wa da pynman ha ka madan wa em ha Mookhep.
Da wan wow wai ya kani ka Tournament da u President yong ka EJDCA, u Rajiv Bareh ryngkat i emlang ki dkhot ka Association.
Da sdang da ka yalehke hapyrdi ka Khliehriat East waka Tuber Kmaishnong heiwa ka Khliehriat East da jop ko ya ka kylla-khlem wei da jied ko wow kawang bol chwa.
Kamtæ ka Tuber Kmaishnong da lai ko wow kamai 100 Run deiwa dooh lut ya ki Wicket na ki 19 Over. Hawa beh ya kani ka thong, ka Khliehriat da jop ko da 2 Wicket wei da kamai ko 102 Run.
Yei naam Man of the Match da yoh da u Maduh Kurki yong ka Khliehriat East uwa da yoh 3 Wicket wei da kamai u 18 Run.
