Ka People’s Democratic Front (PDF) hawa psiah ko yow man kam kawi waka National People’s Party (NPP) da booh lang ko ya ki 11 tylli ki kyndon iwa ka sorkar wa yahkhmat da ka NPP hap ko wow pynhun kiwa man kamni ha wah:
Ka sorkar hap ko wow pynkrehkaam ya ka Roster System hapoh ka Reservation Policy 1972 deiwa kheiñ neini chakhmat ymthoh nadooh na u snem 1972.
Hap ka sorkar wow booddien waka sorkar pyrdi yow pynkrehkaam ya ka Inner Line Permit (ILP) yow yada ya ki jaitbru ka jylla.
Toh u pynbait noh ya u pood hapyrdi ka Meghalaya waka Assam yow lait u mih iwon iwon de i jia wa sñiawsih ha ki thaw wa em ha khappood.
U tipmit noh ya ka ktien Khasi hapoh ka Eight Schedule kawa da em hok wow yow yei tipmit.
Toh u wanrah ya ka Agriculture Policy smat yow lait ki warep nei eh i khoo.
U wanrah ya ka Employment Generation Policy wei wow thung leh ya ka Commission on Employment Generation yow pynyoh kreh ya ki khynroo ka jylla.
I thung kreh toh u man i iwa khooid wei toh u pait deiwi yei rukom thung kreh hapoh ka jylla lyngba ka MPSC wa ki DSC deiwa bood yei rukom wa leh ka sorkar India deiwa pyndooh ya ka Personal Interview neibynta ki kreh Grade C wa Grade D.
Ka sorkar toh u chimkhia ko yei roi i pynemkaam drugs hapoh ka jylla neibhah wa man i iwa maa bha ya ka jylla, ki chnat sorkar toh u paan yarap ki naka imlang sahlang hawa leh yeini.
Da hap leh wow pait deiwi ya ka aiñ Meghalaya Minor Minerals Concession Rules 2016 yow lait ko u ktah ya kiwa khian bor u khih.
Da toh leh wow pynbiang bordiñ hapoh ka jylla kat ha u snem 2028 deiwa chim kabu ya iwa da em chwa hapoh ka jylla yow pynmih bordiñ.
Khadooh, ka PDF da dawa ko wow chna pynmiat ya ka Shillong Airport iwa daw yarap ya ki kaam uiñke suwari kiwa dang ku katwa dang mih ki sngi neibhah ini toh iwa e kreh bha ya kiwa boon ki khynroo.
