Ka seiñ Meghalaya People’s United Front (MPUF) ynne ka sngi da e dorkhat ko cha u Deputy Commissioner ka East Jaiñtia Hills ryngkat ki kyndon dawa heiyatoh wa i kreh ya ka Stage-II yong ka Lechka Hyrdo Eelectric Project.
Nyngkong ka seiñ da paan bai thaw namo ka Compensation chwa cha ki tre thaw chwa wow kreh ya kani ka Project wei da dawa ko wow e kreh cha ki manyung kiwa chah ktah la da ki Skilled næ Unskilled.
Da dawa ko wa ymtoh u pynkrehkaam ya ka Reservation namo Roster System heiyatoh wa kani ka Project kamjooh wow thung dieñ ha ki thaw wa chah ktah la ha East næ West Jaiñtia Hills.
Ka seiñ da dawa ko wow pynkreh ya ki bru katkam ka Labour Management Plan kamwa da kdaw ha ka Environmental Impact Assessment.
Chooh chooh da dawa ko leh wow bood ya ki kyndon yong ka Noise, Water wa Air Pollution kamwa da kdaw ha ka Detailed Project Report.
Heijooh i por da dawa ko wa ya kani ka Project toh u myntoi kiwa chong chnong yong ka East wa West Jaiñtia Hills District.
