U Chief Electoral Officer ka Meghalaya, u FR Kharkongor da pyntip u wa ka chnat Excise da yoh ko wow kem iwi na iwa boon dooh i kiad chisien kem ynne ka sngi heipor 2:00 waje kawa man leh ka sngi thap Vote ha ka Election MLA ka Sohiong Constituency.
Iwa yoh kem toh 1,104 litre i kiad iwa chongdor T. 4 lakh. Waroh nadooh wa da pynbna Election biang ha Sohiong da yoh wow kem 1450.70 litre i kiad.
I kiad wa da yoh kem toh i kiad pharæng na ka chnong Mawkohtep.
U CEO da pyntip u heiyatoh wa i thap Vote ynne ka sngi hadooh 6:00 waje i janmiet, da mih ki paidbah 91.87% iwa da ku hawa nujor ha i por wa da dep wa dapoi 90.46%.
