Yada ka sorkar ya kiwa pynkrehkaam ya ki karkhana Coke pyrchah aiñ: High Court

Ki mukotduma PIL pyrchah yei tih wei kit mooyong pyrchah aiñ da pteiñ ki wow poi ha ka High Court ka Meghalaya heiwa ha ka 9 tarik uni u bnai da chong biachaar biang sa ya kawi heiwa u muktiar ka sorkar jylla da ong u wa da phah ya ki bor ka aiñ wow chemdien ya kiwa emkti ha ini i kaam wei da em leh ki FIR wa da e heiyatoh wa ini i kaam wei da dep khang leh ya ki karkhana Coke kiwa da em 57 tylli kiwa krehkaam pyrchah ya ka aiñ wei daw pynchitom ya kitu kiwa leh ya kini ki kaam wei ki wym ye u pynyoo neiwon yoh mooyong ki.

Ka yung bichaar won da ong ko wa hanla da pynmih boon tylli ki hukum da ka NGT kamjooh da ka Supreme Court, ka sorkar jylla won lada ym wan kiwa chong chnong chakhmat ym leh ko iyi iyi wow khang ya kini ki karkhana Coke wei ym em leh chimkhia wow booddien neiwon yoh mooyong ki.

Chooh chooh da ong wa ka sorkar yada ko ya kini ki bru wa pynkrehkaam ya kini ki karkhana deiwa khlem pynchitom ya ki wot u muktiar ka sorkar leh ong hi-eh u wa da khang ya kini ki karkhana tangwa ym ye u khana kammon da pynchitom ya kiwa emkti wow pynkrehkaam ya kini ki karkhana pyrchah ya ka aiñ.

Heiyatoh wa da pynbna ka sorkar wow sdang noh yei tih mooyong katkam ki kyndon aiñ wa katni namo ka Scientific Mining, tangwa i wym pynchitom ya kiwa leh pyrchah aiñ nadooh nachwa da man ko i dooh nong wa joor ya ka jylla hadooh wa da hap ka yung bichaar wow paan yarap na ka sorkar pyrdi yow khang ya kini ki kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha iwi won i liang, ka yung bichaar da ong ko wa da chem wa uwi u bru uwa da pynemkaam yei pyrtuid boon tylli yow chalan mooyong u na Gasupara Land Customs Station ha South Garo Hills khlem em kiwon kiwon na ka sorkar jylla lane ki bru kani ka LCS wow kylli neiwon mih uni u mooyong hanla da em ka FIR wa da e da ki bru ka Sales Tax ha Guwahati kawa ong wa uni u mooyong ye u man uwa mih na Meghalaya tangwa uwa da li kit cha Guwahati dep te pynpsiah biang oo chapoh Meghalaya yow lai chalan cha Bangladesh.

Kamtæ da ong wa ini waroh toh iwa sñiawkhia neibhah ka sorkar jylla ym em chimkhia wow khang yeini waroh wei ka yung bichaar da ban joor ko yei emkaam u sdang ya ka Scientific Mining yow pyndooh noh ya kani ka rukom tih mooyong deiwa khian yow wiar noh i leh pyrchah aiñ.

Ya kani ka mukotduma daw chong bichaar biang ha ka 08-06-23 wei da yooluti wa u Justice Katakey daw pyntikna u wa waroh ki karkhana Coke kiwa krehkaam pyrchah ya ka aiñ da khang lut ki.