Ka Rangdajied United da sdang ko ya ka Meghalaya State League 2023 dei jop da 2-0 ya ka 7 Wasa United ynne ha ka yalehke wai pyrda wa da pynman ha Kiang Nangbah Stadium, Jowai.
Ya kini ki kool da thap mar kawi ha ka kylla step wa ka kylla meit da u Wanlamsuk Nongkhlaw (34’) wa u Damehun Syih (60’) kawa man leh ka yalehke ka Group B.
Ka 7 Wasa da lait ko u rem da 3 kool heiwa ha ka minit wa 18 ka Rangdajied da yoh Penalty ko tangwa da lai ko bol cha rood kawa chut da u Lamurong. U Aibiangmame Nengnong won da tne u ha u dieñ kool tangwa u Nongkhlaw won da yoh u wow thap lyngba ka Penalty wa da yoh neidaw ka Handball.
Ha ka kylla miet, ka bol da neh ko waka Rangdajied kawa da toor ma toor cha tre kool chwa wow yoh u thap ya ka kool wa ar.
Mynstep daw em ar tylli ki yalehke ha Jowai kawa daw sdang da ka Youth Club Pdengkarong waka Rymbai Iawpynsin heipor 12:00 waje pyrdi sngi wei daw pynbood won daka Ladthadlaboh waka Sein Pynbhalang heipor 3:00 waje i sngi.
