Ha ki soo tylli ki yalehke ka Meghalaya State League 2023 wa da pynman ynne ka sngi, da jop ka Umrit SC waka Mulait United katwa ha kiwi won ym em wa jop kawa da man leh ka sngi wa le kani ka lympung yalehbol.
Ha Shillong ka Umrit da jop ko ya ka Seng Samla Laitryngew da 3-1.
Ha Tura kattu hadien ar sngi ka yaleh ympu em wa jop heiwa ynne hapyrdi ka Selsella Sports Association waka Wasa FC da kut da 1-1.
Ha Mawkyrwat leh ym em wa jop hapyrdi ka Seven United SCC waka Lumdiengngan SC kawa da kut da 2-2.
Ha Jowai won, ka Mulait United da jop ko ya ka Youth Club Pdengkarong da 2-1.
Ka Pdengkarong da yoh ko wow thap nyngkong ha ka minit wa 28 lyngba u Wanbor Langshiang heiwa ka Mulait da su kylliang ko lyngba u Bing Chyrmang haka minit wa 32 heiwa u Wantiwjune Buam da pynjop u ya ka Mulait ha ka minit wa 53.
Ki yalehke mynstep man ki kamni ha wah:
Group A, Shillong- Umkseh SC Vs Langsning SC, 3 PM
Group B, Jowai- Rangdajied United FC Vs Ladthadlaboh SC, 2:30 PM
Group C, Mawkyrwat- Ym em ki yalehke
Group D, Tura- Atong Matgrik FC Vs Khliehmawlieh YC, 3 PM
