Kiwa yahkhmat ka Hynniewtrep National Liberation Council (HNLC) dapoi ki ha Shillong yow pteiñ ya ka bhah wa ar i yaklam yasuk wa ka sorkar Meghalaya deilang waka sorkar pyrdi.
Kini ki dkhot ka HNLC da em wa yoo ki wa chondur ki deilang wa u ksiang i yaklam yasuk, u Sadon Blah uwa man leh kam u President ka seiñ HNYF ha Nehru Park, Damsite.
Tangwa ym pu em iwon iwon i pynbna neiliang u Sadon lane na ka sorkar.
Kam wow pynyknmoo wa 5 ngut kiwa mihkhmat ka HNLC da dep poi ki ha Meghalaya ha ka 5 tarik u Naisaphra ynnin u snem wei da liwan ki ha ka 16 tarik u Naikhynde hadien wa da pyndep yei bynta wa sdang i yaklam yasuk.
Kini ki 5 ngut kiwa da dep poi nachwa kynthup ki ya u Vice Chairman ka seiñ, u Manbhalang Jyrwa, u Political Secretary, u Aristerwell Thongni, u Foreign Secretary, u Phrangkupar Diengdoh wa ki arngut ki Bodyguard ki wa kynthup ya u Aiborlem Marbaniang wa u Storgy Lyngdoh kiwa da dep chimbynta hei yaklam yasuk wei da e ka sorkar ya ka luti wow wan deiwa suk.
I yaklam nyngkong da man ko khlem booh kyndon tangwa u ksiang ini wa dep da ong u wa daw em ki kyndon wow wanrah ha ini i yaklam wa katni.
Puræ leh: Lai bait i yaklam yasuk wa ka HNLC, kawi na ki mat toh ka IOA
