Hadien wym tieñ de kiwa tih mooyong pyrchah aiñ, paan jubab ka HC na u CS wa DGP

Ka mukotduma wa da chim da ka Meghalaya High Court hi wow yaleh heiyatoh wa i tih mooyong pyrchah ya ka aiñ, da chong bichaar biang ka ha ka 15 tarik uni u bnai heiwa da pyntip cha ka yung bichaar wa ka sorkar pyrdi ym pu em pyntip ko iyi iyi leh wow phah ya ki CRPF wow lai sylli yei chalan mooyong pyrchah ya ka aiñ hapoh ka jylla.

Neiliang won u Justice B.P. Katakey da pyntip u wa hadien wa da lai hiar cha West Khasi Hills District ha ka 10 tarik uni u bnai yow lai pait ya ki karkhana Coke wa em ha Shallang wa Kyllonmathei da chem wa em boon kiwa da pynkrehkaam khlem da yoh bor na ka Meghalaya State Pollution Control Board wei neiliang u Katakey da tyrwa u wow lai hiar cha East Jaiñtia Hills ha ka tayaaw wa khadooh uni u bnai yow leh ya ini i jooh.

Da chem leh wa ha ka thaaiñ Shallang wa Kyllonmathei da em u mooyong wa da noh du 2 Km na i thaw wa em ka Shallang Police Station uwa da tymmoh da ki tarpal wa wan kit da kawi ka Truck wa em Number ML-05K-0917 wa kawi won ka wym em Number wei uni u mooyong heipor wa lai hiar nachwa cha kani ka thaw ym em u wei heijooh i por ya uni u mooyong ym em chikhia ki pulit kamjooh ki bor District wow thooh ya ki tre u wei ym leh Register ya kawon kawon ka Case da ka Shallang Police Station wei da suba joor wa uni u mooyong wa da tih pyrchah ya ka aiñ toh uwa da rah yow pynemkaam ha ki karkhana Coke wa em ha Kyllonmathei.

Hajrong ini wym tieñ de kiwa tih mooyong pyrchah ya ka aiñ wei i wym bien ki bor wa toh u pait yeini wow leh yei kaam yong ki, da phah Notice cha waroh ki heh sorkar nadooh ki pulit wa ki khlieh District. Da phah leh wow e jubab u Chief Secretary ka jylla kamjooh u Director General of Police lyngba ka Affidavit yow pynche yeiwa chem kani ka 13^th Interim Report wa da e da u Justice Katakey. Ya kini ki jubab da hap wow leh hapoh chi tayaaw yei wym ye u khang ya ini i leh pyrchah aiñ wow tih kamjooh wow chalan mooyong hapoh ka jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka High Court da ong ko leh wa ha kini ki por wa da sdang wai wow leh ya ka Scientific Mining ym ye pdiang de wa dang em kiwa leh pyrchah neibhah kini kiwa da lai luti wow leh katkam ka aiñ da pynlut ki chiboon katwa kini kiwi won kiwa leh pyrchah ya ka aiñ ym em wa khang ki.

Ya kani ka mukotduma u chong bichaar biang ha ka 23-05-23.