U Symbood Montri Rangbah ka jylla uwa pait ya ka chnat patok namo Home (Prison), u Sniawbhalang Dhar da ong u wa ka sorkar da pynkhreh ko wow kyrriah noh ya waroh ki koidi cha ka patok thymme kawa da chna ha Mawdiangdiang, kawa haap hapoh New Shillong Township, wei i kyrriah ya ki koidi cha kani ka patok toh neidaw wa da khynñia ware ka District Jail kawa katni.
U Montri uwa da lai pait ynne ka sngi ya ka Shillong District Jail, da ong u wa i kreh katni ya ka District Jail wa thymme da man iwa da jan dep wei hadien wa pynbiang yeiwa emkaam daw kyrriah noh ya ki koidi.
U Sniawbhalang uwa pait leh ya ka chnat pynroi sor, da ong u wa ya i thaw ka chnat Urban Affairs iwa heh kamwa 25 Acre da pynbiang wei ki bor wa pait ya ki patok u chimkti noh ki ya ka wow kset ya ki 1000 ngut ki koidi.
Ha kani ka sngi u Sniawbhalang da lai pait leh ya ka chnat Transport, da lai pait u yei kreh ya ka Shopping Mall kawa kawa em ha i thaw pynyieñ Bus ka Meghalaya Transport Corporation, ha Khyndailad.
Da ong u wa da phah pyndep noh u ya i kreh hapoh 2 snem, khnang wa ki paidbah u yoh myntoi ki.
Ha kani ka sngi da emlang u MLA na Jowai, u Wailadmiki Shylla, u CEO ka Shillong Municipal Board wa kiwi kiwi.
