Ka State Investment Promotion Board, Planning, Investment Promotion & Sustainable Development Department ha ka 17 tarik uni u bnai da pynman ko ya ka “Meghalaya State Roundtable for the North East Global Investors Summit” ha State Convention Centre, Shillong.
Ha kani ka yalang wa da wan chimbynta da ki heh ka sorkar jylla wa kamjooh na ka sorkar pyrdi yow ya phyllu ya ki laad wan seiñ khih seiñ karkhana kiwa na baar hapoh ka jylla Meghalaya kamjooh ha kiwi ki jylla ka thaaiñ North East.
Neiliang u Dr. Joram Beda, Commissioner & Secretary, Planning, Investment Promotion and Sustainable Development Department da ong u wa em boon ki laad wow wan sdang ya ki jait khih wa boon jait ha Meghalaya deiwa khana leh wa em boon ki myntoi deiwa wan ki karkhana cha Meghalaya.
Da e nongmuna u ya kiwa boon wa da wanrah wa da sdang ka sorkar yow pynsuk u sdang khih kam ka Single Window System (SWS) wei deiwa ban joor bha ya kiwa kwah u seiñ khih kiwa yatoh wa ki kaam uiñke suwari, i rep i riang, i chna marbaam, ki yaleh Sport, i chait i khiah, u soor i thaiñ that, i chna tiar kamjooh ki kaam wa yatoh waka IT/ITES.
U Harpreet Singh, Joint Secretary, Ministry of Development of North Eastern Region (DONER) da khana u ya kiwa boon kiwa em hapoh ka North East kiwa ye u khriñ ya kiwa wan seiñ khih wei kyrmen u wa daw wan ki heiwa neiliang yong ka DONER leh u pteiñ ko yei ya krehlang wa ki sorkar jylla deiwa pynyoo ya kiwa kwah wow wan seiñ khih ki laad ki luti ha ki jait kreh wa ka sorkar kwah ko wow pynku.
Hadien ka yalang wai pyrda, da pynlai ya ka yalang ya phyllu deiwa emlang kiwa kwah u seiñ khih da u Pravin Bakshi, Commissioner & Secretary, Commerce & Industries heiwa kiwa seiñ khih da yoh ki wow yaklam para ki wei kamjooh wa kiwa mihkhmat ka sorkar.
