Ka pynsñiawthooh paidbah da ki khynnah skur kiwa lai pynman ya ka Rally Against Tobacco yow pyndooh pyndam yei pynemkaam duma, sikret ha waroh kawi ka jylla hajrong ka phang wa ong “My Meghalaya, Tobacco Free Meghalaya” dapoi noh ko cha wakut ynnin ka 19 tarik kawa da sdang nadooh u bnai wa dep.
Kawi na ki skur kawa da chimbynta ha kani ka sngi pynkut toh ka Hill Grange English School, Mukhla kawa da pynman yei lai Rally deilang waka Signature Campaign deiwa chimbynta da ki khynnah skur deilang wa kiwa sikai.
Ha kani ka lai Rally da kbai leh ya ki kyntien pyrchah yei pynemkaam duma, i baam khoini, i dih duma wa kiwi de ki jait baam wa ktah yei chait i khiah.
Neiliang ka skur da phah ko ya ka khubor cha ki paidbah wow man ki kiwa kiar na kini ki jait baam wa ki jait dih kiwa sih wa ktah yei chait i khiah wei daw wanrah i yei sñiawsih manda chah kdoh chah khoom ha kini ki jait dih.
Kamtæ da khut yei ya ksohktilang yong waroh yow wanrah yei kylla hei chait i khiah.
Kam wow pynkynmoo wa kani ka pynman Rally da man ko leh kam chibynta ka yakob hapyrdi ki skur nadooh ki wa em ha ki Block, District wa State deiwa hap u pyndep ya ki kyndon wa da booh ka sorkar wei wow phah ya ki dur deiwa Upload ha ka Link wa da dep phah cha waroh ki skur.
