Ka KSU NEHU Unit ynne da lai khang syndon ko ya ka yung krehkaam u Vice Chancellor (VC) kani ka skurbah, u Prof. Prabha Shankar Shukla neidaw wym mano u wow pynbiang yeiwa emkaam kiwa lai puræ ka NEHU.
Ki dawa kynthup i wow pynbiang ya ka Bus, iwa emkaam kiwa sah Hostel wa kiwi de kiwa da dep booh ka seiñ man-i-por wa yachem wa u VC.
Ka seiñ wot ynne leh da lai yachem ko wa u VC wow yaklam hajrong ini i slem wow pynkrehkaam yeiwa da dawa tangwa neidaw wym bien u VC wow yachem wa ki, da pynman ya ka seiñ wow khang syndon ya ka yung krehkaam yong oo.
Ka seiñ da rai ko leh wym bien de ko wow yachem wa u VC kat wym pu bien u wow pynkrehkaam yeiwa da dawa ka seiñ iwa da dep booh neipor cheipor.
