Ki yalehke ka Meghalaya State League 2023 ynne da sakhi ko chiboon ki kool wa da yoh thap ha ka Group A ha Shillong heiwa ka Jyntru da jop ko ya ka Seng Samla Laitryngew da 9-4.
Ka Niaw Wasa United da jop ko hadien wa chah thap chwa yow jop da 2-1 yaka Youth Club Pdengkarong ha ka Group B ha Jowai, ka Wasa FC won da pynrem ko ya ka Warima Youth Club da 3-1 ha ka Group D ha Tura katwa ka Riangdo YSCA won da jop ko yaka Mawten SC da 1-0 ha ka Group C ha Mawkyrwat.
Ha Shillong, u Emanbha Marbaniang da tap u 4 tylli ki kool (74′, 79′, 87′, 90’+5) hadien wa mih yalehke u ya ka Jyntru ha ka kylla miet heiwa ya kini ki kool da thap u ha ki 20 minit.
Ha Jowai won ka Pdengkarong da yoh ko wow thap nyngkong lyngba u Marshial Nongrum ha ka minit wa 27 tangwa da su kylliang ka Niaw Wasa ha ka minit wa 39 lyngba u Dashngain Sukhlain wei da pyntam da chi kool da u Dreamson Suchiang ha ka minit wa 83 yow pynyoh yei jop.
Ha Mawkyrwat, ka Riangdo da yoh ko wow thap lyngba u Phinilboy Rashik (70′) yow yoh ko ya ki Point wa nyngkong.
Ha Tura won, ka Wasa FC da yoh nyngkong noh ko ha Group D deiwa jop ynne deiwa yoh 7 Point katwa ka Khliehmawlieh da em ko 6 Point tangwa ka Khliehmawlieh daw yalehke biang ko. Ya ka Wasa ynne da thap kool da u Koushik Rabha (8′), Silgrik Momin (41′) wa u F Momin (90’+3) katwa ya ka Warima da thap da u Tremarchwal Ch Marak (85′).
Ki yalehke mynstep:
Group A, Shillong- Umkseh Vs Mawlai, 3:00 PM
Group B, Jowai- Sein Pynbhalang Vs Rymbai Iawpynsing, 2:30 PM
Group C, Mawkyrwat- Seven United Vs Pyndengrei, 3:00 PM
Group D, Tura – Atong Matgrik Vs Chipakkore, 3:00 PM
