Ka Dorbar Chnong Pasyih da pynche ko hajrong i pynmih khubor ko ynnin ka sngi wa khang ya kiwa na baar wow wan dai wan wan thied hapoh u pood u ang ka chnong deiwa ong wa ini mut i du neibynta ki baar jylla donhi.
Da pynche leh wa ini man ko khamtam ya kitu kiwa wan thied nar jæd tin jæd wa ktah ko ya ka chnong ka thaw wa pynboon i ya kiwa tooh wei da yoo leh ya iwa jia cha kiwi ki chnong wa tba kti ki baar jylla ya ki khynnah kynthai manda poi ki cha i thaw wa lyngam.
Da khang hi leh ya kiwa na baar jylla kiwa wan dai tiar hapoh ka chnong khlem da yoh bor na u waheh chnong.
Kiwi ki kyndon ka chnong kiwa yatoh ya kiwi kiwa najan ka chnong u neh ki kamjoooh wei da khang wow psiah ki chapoh ka chnong khlem da yoh bor hadien ka 10:00 waje i miet.
Da maham leh ya kitu ki bru kiwa jooh leh khlem akor cha loom cha wah, kiwa wan dih kiad, kiwa tympiah klong, kiwa noh jhep kulmar wa kiwa leh ya ki kaam jakhlia wa boon jait iwa ktah ya ka chongsuk chong saaiñ yong ka chnong.
Ya ini waroh da leh neibynta wow ye u kdoh u khoom yei roi i sih hapoh chnong poh thaw, kamtæ da kyrpaad ya ki paidbah waroh u ya krehlang ki neibynta i bha i miat yong ka chnong.
