Ha ka yakob District Level Science, Mathematics and Environment Exhibition 2022-2023 wa pynman da ka yung krehkaam yong ka District School Education Officer, West Jaiñtia Hills District ynnin ka sngi ha Government Boys Higher Secondary School Jowai hajrong ka phang “Technology and Toys” ka skur St. Mary Mazzarello Girls Higher Secondary School Jowai da yoh rah ko yei naam jop. Da wan wa ar da ka North Liberty Higher Secondary School Jowai hei wa le won da yoh ka H.K. Singh Memorial Secondary School Jowai.
Ya ka St. Mary Mazzarello Girls Higher Secondary School Jowai da mihkhmat da ka Wikannie Gassah kawa da pynyoo hajrong ka phang (Sub-Theme) “Transport and Innovation”.
Ya ka North Liberty Higher Secondary School Jowai da mihkhmat da ka Taenie Razza D Tongper kawa da pynyoo hajrong ka Sub-Theme “Advancement in Information and Communication Technology” katwa ya ka H.K. Singh Memorial Secondary School Jowai won da mihkhmat da ka Nibha Passah hajrong ka Sub-Theme “Environmental Concerns”.
Ha kani ka yakob da wan chimbynta kamwa 8 tylli ki skur, wei haka yalang tbian wa pynlai da ka C. Lyngdoh, u F.B. Basan, MCS Additional Deputy Commissioner, West Jaiñtia Hills District da man u kam u kongsan hei emlang ka A.P. Syiem, District School Education Officer, West Jaiñtia Hills District, u Yanglem Moni, Assistant Teacher Seiñraij Higher Secondary School Jowai, Dr. B.R. Suchiang Asst. Professor Kiang Nangbah Govt College Jowai, u D. Syngkon wa kiwi.
