Ka chnat Animal Husbandry and Veterinary ka sorkar Meghalaya da pynche ko yei mih khubor ha ka The Shillong Times ynne ka sngi wa ong wa da im sier mynsien kiwa chong chnong ka Tiehsaw wa em ha West Khasi Hills neidaw wa yap uwi u bru na ka kjut sñiang wa tip kam ka African Swine Fever.
Ka sorkar da ong ko wa kani ka khubor toh kawa bakla heiwa uni u bru wa da kam toh uwa da yap toh uwa dang im wei ym em uwon uwon u bru wa yap na ka African Swine Fever hapoh ka jylla.
Chooh chooh da pynche wa em du 22 tylli ki sñiang kiwa yap na kani ka kjut kiwa mantre da uwi u bru ha ka chnong Tiehsaw.
Neiliang kani ka chnat sorkar da dep pynbna ko ya kani ka chnong kam ka thaw wa sdang ini i kjut namo ka Epicenter wei da leh ya iwa emkaam yow khanglaad yei poor ini i kjut.
Da ban joor leh wa kani ka kjut African Swine Fever ymtoh kawa ye u poor na ki mrad cha ki bru, kamtæ ymtoh iwa maa ya ki bru.
Ka kyrwoh na u Dr. Manjunatha C., IFS, Secretary ka chnat Animal Husbandry and Veterinary ka sorkar Meghalaya.
