Ynne ka sngi man ko ka wow sahkynmoo ya ki khon ka Ri-loom Jaiñtia neibhah wa da ye wow wai noh ya ka 100 Bedded Maternal & Child Health Hospital kawa em ha Panaliar, Jowai.
Kani ka thaw sumaar em ko 50 tylli ki pyllong ki khynnah wa 50 tylli ya ki kynthai wa ki manbei wei daw em ko 33 ngut ki Nurse, 4 ngut ki Specialist wa 11 ngut ki Medical Officer.
Chooh chooh ha kani ka thaw sumaar daw ye leh u e dawai namo wow sumaar iwa jhan kam ka First Aid.
Katkam wa man hadooh ynne i sngi da em kamwa 5 ngut kiwa thiah kjut ha kani ka thaw sumaar wei da pyntip wa ki kynthai, ki manbei wa ki khynnah wa wan thooh dawai ha Jowai Civil Hospital da phah lut ya ki wow wan cha Jowai wei kamjooh leh kiwa dang thiah chah sumaar ha Ialong leh da sdang wow kit ya ki cha Jowai.
Kam wow pynkynmoo heini u Montri Rangbah ka jylla da booh mooyurim u ya kani ka thaw sumaar ha ka 3 tarik u Kmaichonglad (Dec) 2022.
