Ka sorkar jylla ynne lyngba ka chnat Home (Political) da thoh ko cha u Ardent M Basaiawmoit uwa man leh kam u President ka VPP wow wan u cha ka yalang ka Committee ki seiñ saiñpyrthai namo ki Political Party.
U Ardent uwa da man leh kam u dkhot kani ka Committee kawa da dep pynthymme biang ynne heiwa da e laad ya ki dkhot wow yaklam noh chaphang ka Reservation Policy wa kamjooh leh ya ka Reservation Roster System, daw chong pynman ya ka yachem lang ka Committee ha ka 31 tarik uni u bnai ha Main Conference Hall, Main Secretariat Building heipor 2:30 i sngi.
Ynne ka sngi da man leh iwa da dap chi tayaaw wa da chah thngan u Ardent yow dawa yalam chwa hajrong ka Reservation Policy yow man ko kawa yahaap katkam i por wei katkam i boon paaid hawa kheiñ yei bhah kreh.
Ka sorkar da pyntip ko leh wa chah hi wow yah arngut deilang wa u Ardent kamwa da chah leh ya kiwi ki dkhot kani ka Committee.
Yei jubab na u Ardent ym pu yoh lada daw pynkut noh u yei chah thngan hadien wa da bien ka sorkar wow leh yeiwa dawa u yow pait biang deiwi ya ka Reservation Policy.
