Ka Synjuh Waheh Chnong Ri Jaiñtia ynne da e dorkhat ko ha ka Dr. Ampareen Lyngdoh, Montri sorkar kawa man leh kam ka Chairperson ka Committee kawa da pynkupbor da ka sorkar wow yaklam yow pynbait yei rukom pynkrehkaam ya ka Reservation Policy waka Reservation Roster yow dawa yei bhah neibynta ki Jaiñtia.
Ha ka dorkhat da ong wa ymtoh wow pynkrehkaam ya ka Roster deiwa kheiñ nadooh u snem 1972.
Da dawa leh wow booh bhah ym duna 20% ya ki Jaiñtia hapoh ka Reservation Policy neibhah ki Khasi Jaiñtia da hap ki wow yaknieh para ki ya ka 40% ka bhah wei katni ki Khasi Jaiñtia da man ki kiwa da boon paaid.
Da ong leh wa kani ka 40% ym dap ko ha kini ki por wa katni wei lada ym ye u e 20% ya ki Jaiñtia dang bha wow leh bait 80% neibynta ki Khasi, Jaiñtia wa ki Garo yow yaknieh ki wei wow pynkrehkaam yeini nadooh uni u snem 2023.
